చిరంజీవికి ప్రతిష్టాత్మక అవార్డు…. స్పెల్లింగులు కూడా రాని మంత్రి ప్రశంస

Chiranjeevi named for the indian film personality of the year 2022 award | మెగాస్టార్ చిరంజీవికి కేంద్ర ప్రభుత్వం మరో అరుదైన గౌరవం అందించింది. ఇంటర్నేషనల్ ఫిల్మ్ ఫెస్టివల్ ఆఫ్ ఇండియా ప్రతిష్టాత్మకంగా ప్రతి ఏడాది అందించే ఇండియన్ ఫిల్మ్ పర్సనాలిటీ ఆఫ్ ది ఇయర్ అవార్డును 2022 వ సంవత్సరానికి గానూ చిరంజీవికి అందించనున్నట్లు ప్రకటించారు.

భారతీయ సినిమా 100 సంవత్సరాలు పూర్తి చేసుకున్న సందర్భంగా 2013లో ఈ అవార్డును ప్రారంభించారు. .వహీదా రెహమాన్ ఈ అవార్డును మొదటిసారి అందుకోగా, రజనీకాంత్, ఇళయరాజా, ఎస్పీ బాలసుబ్రమణ్యం, అమితాబ్ బచ్చన్, సలీం ఖాన్, బిశ్వజిత్ ఛటర్జీ, హేమ మాలిని, ప్రసూన్ జోషి వంటి సినీ దిగ్గజాలకు ఆ తరువాత ఈ అవార్డు దక్కింది.

ఈ ఏడాది చిరంజీవికి ఈ అవార్డును అందించనున్నారు. నాలుగు దశాబ్దాల పైగా కొనసాగుతున్న కెరీర్‌లో 150కి పైగా చిత్రాల్లో నటించినందుకు చిరంజీవికి ఈ అవార్డు అందించనున్నారు. ఈ మేరకు కేంద్రమంత్రి అనురాగ్ ఠాకూర్ చిరంజీవికి సోషల్ మీడియా వేదికగా శుభాకాంక్షలు తెలిపారు. అయితే ….

ఆయనగారి ట్వీట్ లో మిగతా అంతా ఎలా ఉన్నా తెలుగు స్పెల్లింగ్ కూడా సరిగా లేకపోవటం గమనించాల్సిన అంశం.